Një udhëzues i detajuar për përdorimin e kalkulatorit të menaxhimit të buxhetit.

1. Vendosni të hyrat tuaja në fushën e të ardhurave mujore dhe shkruani për sa kohë dëshironi që të planifikoni buxhetin. Nuk është e nevojshme të shtoni të gjitha të hyrat tuaja. Mjafton vetëm pjesa që dëshironi të ndani në para të gatshme dhe investime nga të hyrat.
   • Shembull: Buxheti i ndarë është 3000 euro dhe vitet e planifikimit të buxhetit janë 6.

2. Hapi i rradhës është të ndani investimin tuaj në % në disa kategori. Në cilëndo kategori, vlera 0 është e pranueshme. Mirëpo, vlera totale e alokimit në para të gatshme, aksione dhe investime të tjera duhet të jetë e barabartë me 100% ne fund të kalkulimit.
3. Shuma e parasë së gatshme duhet të ndahet në para për shpenzim dhe para për kursim.
   • Shembull: Nëse ju ndani shpenzimet në para të gatshme 40% (1,200 euro), ju vendosni të shpenzoni 80% (960 euro) dhe 20% (240 euro) t’i kurseni për fond emergjent.

4. Shuma e parasë për investime mund të ndahet në ETF (S&P 500) dhe aksione individuale. Një tjetër variabël të cilën mund ta përdorni këtu është skenari që dëshironi ta konsideroni në kalkulimet tuaja. Në rast që përzgjidhni skenarin më të mirë, kthimi i investimit në njërin nga vitet e planifikuara do të kalkulohet me vitin më të mirë të S&P 500 historikisht ndërsa pjesa tjetër e viteve kalkulohet me mesataren. Viti me performancën më të mirë/keqe përzgjedhet në mënyrë të rastësishme. E njejta gjë ndodh nëse zgjidhni skenarin më të keq.
   • Shembull: S&P 500 vitin më të mirë e kishte me rritje 35%. Nëse zgjedhni skenarin më të mirë, kjo do të merret parasysh si kthim investimi në njërin nga vitet të përfshirë në kalkulim. Pjesa tjetër (5 vitet nga 6 të planifikuarat në shembullin tonë) kalkulohet me normë mesatare kthimi të S&P 500.

Përçdo paqartësi, sygjerime apo vështërsi rreth kalkulimeve, mund të na kontaktoni tek info@investimi.online